Ministri për Evropën dhe Punët e Jashtme të Shqipërisë, Igli Hasani, u shpreh në Bruksel në ceremoninë e 75 vjetorit të themelimit të NATO-se se për Shqipërinë, anëtarësimi në aleancë nuk ishte thjesht për të përfituar siguri, ishte gjithashtu për rrënjosjen e vendit tonë mes familjes demokratike, perëndimore të kombeve.

Igli Hasani: Ne kemi bërë maksimumin për të kontribuar në Aleancë, duke luajtur një rol të rëndësishëm, proaktiv në garantimin e sigurisë dhe stabilitetit të rajonit tonë dhe duke kontribuar në misione dhe operacione në të gjithë globin. Për Shqipërinë, anëtarësimi në NATO për ne nuk ishte thjesht për të përfituar siguri; ishte gjithashtu për rrënjosjen e vendit tonë mes familjes demokratike, perëndimore të kombeve. Në vitet që pasuan, ne kemi bërë maksimumin për të kontribuar në Aleancë, duke luajtur një rol të rëndësishëm, proaktiv në garantimin e sigurisë dhe stabilitetit të rajonit tonë dhe duke kontribuar në misione dhe operacione në të gjithë globin. Teksa përkujtojmë këtë moment historik, ne do të vazhdojmë kontributet tona për Aleancën tonë me të njëjtin përkushtim dhe entuziazëm të palëkundur që kemi treguar që nga dita e parë, në kërkim të paqes, sigurisë dhe prosperitetit.

Sekretari i Përgjithshëm i NATO-s Jens Stoltenberg u kërkoi Shteteve të Bashkuara të qëndrojnë së bashku me Evropën e kërcënuar nga një Rusi edhe më agresive./tvklan.al